धनुषा, २० मंसिर । जिल्ला प्रहरी कार्यालय धनुषाले आफनै छोरीको हत्या गरेको आरोपमा आमासहित चार जनालाई पक्राउ गरेको छ ।
प्रहरीले जनकपुर उपमहानगरपालिका वडा नं.२४ सोनापडाका रामबरण मण्डलकी १६ वर्षीया छोरी सोनी मण्डलको हत्याको आरोपमा उनकी आमासहित शंकास्पद अन्य ४ जनालाई नियन्त्रणमा लिएको हो । सोनी बुधबार आफ्नै घरको कोठामा मृत फेला परेकी थिइन । घटनापछिको अनुशन्धानमा मृतककी आमा राजकुमारी मण्डलले हत्या गरेको खुलेको प्रहरीले जनाएको छ । छोरीसँगको सामान्य विवादमा ढोका लगाउने आग्लोले हिर्काइएपछि वेहोस भएको र घाँटी थिचेर मारेको प्रहरीसँगको बयानमा स्वीकार गरेको राजकुमारीले स्वीकार गरेको प्रहरी उपरिक्षक गोविन्द थपलियाले जानकारी दिनुभयो । कक्षा ८मा अध्यनरत मृतक मण्डल र आमा राजकुमारीबीच पटक पटक झगडा हुदै आएको र झगडाको निहुमा हत्या भएको प्रहरीले जनाएको छ ।
