बाराको जीतपुरसिमरा उपमहानरपालिका वडा नं.७ स्थित जीतपुरमा रहेको शिवशक्ति घ्यू उद्योगको थर्मिकफ्लुड आयल हिटरमा गएराति आगलागी भएको छ । विद्युत् सर्ट सर्किटका कारण भएको आगलागीबाट थर्मिकफ्लुड आयल हिटर पूर्ण रुपमा जलेर नष्ट भएको छ । आगलागीबाट एक करोड रुपैयाँ बराबरको क्षति भएको अनुमान गरिएको छ । ईलाका प्रहरी कार्यालय जीतपुरका प्रहरी नायाव निरिक्षक रामउदय शर्माका अनुसार आईतवार राती करिब ७ ः ४५ बजेको समयमा सुरु भएको आगलागीलाई करिब तीन घण्टाको प्रयास पछि नियन्त्रण लिईएको थियो । आगोलाई नियन्त्रणमा लिनका लागि सो उद्योगमा कार्यर्त मजदुर , नेपाल प्रहरी , सशस्त्र प्रहरीको सहयोगमा आधा दर्जन वारुणयन्त्रको सह्योगमा राती करिब ११ बजेको समयमा नियन्त्रणमा लिईएको थियो ।