इंग्लिस प्रिमियर लिग फुटबलमा आर्सनलको अपराजित यात्रा कायमै छ । लिग अन्तर्गत गएराति भएको खेलमा बर्नमाउथमाथि २–१ गोलको जित निकाल्दै आर्सनल २७ अंकका साथ पाँचौ स्थानमा रहेको छ । आर्सनलले एक गोल भन्ने उपहार पाएको थियो । ३० औं मिनेटमा जेफरसन लर्माले बल किलियर गर्न खोज्दा आफ्नै जाली चुमेपछि उपहार गोलमार्फत आर्सनलले अग्रता बनाएको थियो । जोसुवा किंगले पहिलो हाफको अतिरिक्त समयमा गोल गर्दै बर्नमाउथलाई बराबरीमा ल्याएका थिए । पहिलो हाफमा १–१ गोलको बराबरी भएपनि दोस्रो हाफमा आर्सनलले १ गोल थप्दै अपराजित यात्रा कायमै राखेको हो । पेरेर इमरिकले गोल गर्दै आर्सनलको जित पक्का गरेका हुन् ।