काठमाडौ, २९ मंसिर । नेपाली कांग्रेसका पूर्वमहामन्त्री तारानाथ रानाभाटले नेपाली कांग्रेसको वर्तमान अवस्थाको कारण खोज्नुपर्ने अवस्था श्रृजना भएको भन्दै त्यसतर्फ नेतृत्वको गम्भीर ध्यानाकर्षण गराउनुभएको छ ।

काठमाण्डौमा सुरु महासमिति बैठकको उद्घाटन सत्रलाई सम्बोधन गर्दे रानाभाटले विगतमा राणासंग लडेको कांग्रेसको शक्ति क्षीण हुदै गएको भन्दै त्यसबारे गम्भीर समिक्षा गर्नुपर्ने आवश्यकता औल्याउनुभएको हो । मुलुकका ठूला ठूला राजनीतिक परिर्वतनमा ठूलो योगदान रहेको कांग्रेसको वर्तमान अवस्था नाजुक हुदै गएको भन्दै उहाँले त्यसको गम्भीर समिक्षा गरिनुपर्ने बताउनुभयो । आन्तरिक गुट उपगुटका कारण कांग्रेस कमजोर हुदै गएको भन्दै उहाँले पार्टी भित्रका सबै विकृतिको अन्त्य महासमिति बैठकले गर्न सक्नुपर्ने बताउनुभयो ।